من مذكرات ..واحده مخدوعه!
لكل البنات اللي داخلين علي قصه حب عنيفه وبدأت كل واحده اليومين دول تسمع كلام جديد علي ودانها من ابن الجيران او ابن طنط دولت او حتي من الياهو مسنجر علي النت..خلي بالك معانا كلام يهمك جدا هانرسيكي علي لغه الولاد اليومين دول علشان تبقي واعيه وفاهمه المقصود من كل كلمه بيقولها لسان حبيب القلب وشريك العمر ان شاء ربنا ونويتوا تتأهلوا يعني
ـــ لما يقولك انا حبيتك من اول مره كلمتك فيها مش عارف ارتياح غريب حصلي مش عارف عملتي فيا ايه يبقي ده معناه (عارف انك مش
(هبله وفاهمه اني باستهبل بل اعملي نفسك مقتنعه
ـــ ولما يفجئك ويقول (علي فكره ماضيكي ماليش دعوه بيه لانه حصل قبل ماتعرفيني يبقي ببساطه يقصد يقول بالراحه كده فهميني ياماما عرفتي
كام واحد قبلي
ـــ اما لو قالك انا مقدر صراحتك وانك حكيتي لي علي حبك القديم ودي صراحه نادره في الزمن ده يبقي عايز يقول من غير زعل يعني انتي
( بجحه قوي)
تـــ لما يقولك فداكي اني خلصت كارت الموبايل علي اتصالي بيكي يبقي معناه انتي لو حسيتي علي دمك شويه وتبطلي
ترني وتكلميني مره واحده حتي يدي الرنات
ـــ لما يقول (علي فكره اكتر حاجه بحبها فيكي عقلك الناضج وحبك للنقاش يبقي قصده الحقيقي (نفسي اكسر لك دماغك الحجر دي )ـ
( ـــ لما يجيب لك هديه ويقولك (بس ايه رايك في الشنطه اللي جبت لك الهديه اعرفي انه بيدعي من جواه ويقول يارب يكون نظرها ضعيف وماتخدش بالها انها شنطه هدايا قديمه كانت عندي
ـــ لما يتفاجيء بالعريس الا جالك البيت ويقلك طبعا مصدق ان فيه عريس جالك النهارده وانتي هتكدبي ليه يعني يبقي نفسه يقول (ياااه لسه فيه بنات بتعمل الحركات القديمه دي0
ـــ لما يجامل ويقول انتي اموره اوي النهرده يبقي عايز يقول ( مش عارف ايه البلاوي اللي بيحطوها علي وشهم ديه 0
ـــ لما هايقول وهوه متأثر بلاش تعيطي دموعك غاليه عليه اوي يبقي معناه (خلاص بقه هتعيشي الدور ولا ايه وتعملي نفسك شهيده 0
نــــــــــــــــــــــــــــــــــــــــــــور 
